Question 1

კურსის აღწერა

Accepted Answer

დღევანდელ ტექნოლოგიურ ეპოქაში DevOps მეთოდოლოგიას და მასთან ასოცირებულ ხელსაწყოებს უდიდესი წილი უკავია პროდუქტის სწრაფი შექმნა/განვითარების და მომხმარებელზე ეფექტურად მიწოდების კუთხით. პროდუქტის შექმნის/განვითარების იდეის გაჩენიდან დაწყებული მომხმარებელთან მიწოდებამდე, DevOps მეთოდოლოგიის და მასთან ასოცირებული ხელსაწყოების SDLC-ში (Software Development Life Cycle) ინტეგრაცია რადიკალურად ცვლის პროცესის მიმდინარეობას, რასაც უფრო ახლოს მივყავართ კომპანიის მთავარ მისიამდე, მომხმარებლის კმაყოფილებამდე.
DevOps Bootcamp-ის ძირითადი მიზანია, DevOps მეთოდოლოგიის და პრაქტიკაში გამოყენებადი ხელსაწყოების ძირეული შესწავლა. მათი პრაქტიკაში რეალიზება და რეალურ გარემოსთან მაქსიმალურად მიახლოებული სამუშაოების შესრულება. ჩვენს პროგრამაში თქვენ შეისწავლით, როგორც DevOps (mindset) მეთოდოლოგიას და მიდგომებს, ასევე დღესდღეობით ტექნოლოგიურ სფეროში მოწინავე კომპანიების მიერ შექმნილ ხელსაწყოებს. ხელსაწყოების გამოყენება მეთოდოლოგიასთან შერწყმის საფუძველზე მოგცემთ საშუალებას, დაეხმაროთ კომპანიის თანამშრომლებს როგორც მეთოდოლოგიური ასევე ტექნოლოგიური ტრანსფორმაცია/განვითარების კუთხით. 
DevOps Bootcamp-ის ფარგლებში თიბისი IT აკადემიის ბაზაზე შეიქმნა პრაქტიკული ლაბები, სადაც სტუდენტებს ექნებათ შესაძლებლობა იმუშაონ სპეციალურად მათთვის შექმნილ პრაქტიკულ ლაბებში, რაც მათ აძლევს შესაძლებლობას გამოიყენონ თეორიული ცოდნა კონტროლირებად გარემოში და იმუშაონ რეალურ ინსტრუმენტებთან და ტექნოლოგიებთან.

ბუთქემფის დასრულების შემდეგ მონაწილეს ექნება:

• ტექნიკური კომპეტენცია: კურსდამთავრებულები იქნებიან DevOps მეთოდოლოგიის და ხელსაწყოების პრაქტიკაში გამოყენებისთვის მზად. Best practice-ების გამოყენებით კომპანიაში მოახდინონ პროცესების და მიდგომების დანერგვა/გაუმჯობესება.
 • პრაქტიკული გამოცდილება: სწავლების პროცესში გამოყენებული სიმულაციური სამუშაო გარემო მისცემს მათ შესაძლებლობას მარტივად ადაპტირდნენ და მოახდინონ კონცენტრაცია რეალურ სამუშაო გარემოში. 
 • სამუშაო მზადყოფნა: ინტენსიური სწავლების პროცესის გათვალისწინებით, კურსდამთავრებულები მაქსიმალურად აღჭურვილი იქნებიან როგორც DevOps მეთოდოლოგიის თეორიული ცოდნით, ასევე რეალური hands-on პრაქტიკული ხელსაწყოებთან მუშაობის გამოცდილებით.
 • რბილი უნარები: საბოლოოდ, კურსდამთავრებულებს განუვითარდებათ ისეთი მნიშვნელოვანი რბილი უნარები, როგორიცაა ემპათია, ეფექტური კომუნიკაცია და გუნდური მუშაობა.

Question 2

ვისთვისაა კურსი?

Accepted Answer

• დამწყები დეველოპერები: მათ, ვისაც აქვთ პროგრამირების პრინციპების ძირითადი გაგება და გარკვეული გამოცდილება 
 • კომპიუტერული მეცნიერების სტუდენტები: ბაკალავრიატის ან მაგისტრატურის სტუდენტები, რომლებიც სწავლობენ კომპიუტერულ მეცნიერებას ან მასთან დაკავშირებულ სფეროს და აქვთ დიდი ინტერესი DevOps ინჟინრის პოზიციაზე დასაქმების
 • Career Switchers: პროფესიონალები, რომლებიც ამჟამად არიან სხვა IT სფეროებში, მაგრამ აქვთ დიდი ინტერესი გადართონ თავიანთი კარიერა DevOps ის მიმართულებით
 • არატექნიკური პირები: ადამიანები, რომლებსაც არ აქვთ ფორმალური ტექნიკური განათლება, მაგრამ აქვთ დიდი სურვილი ისწავლონ DevOps მეთოდოლოგია და ხელსაწყოები

მიუხედავად ფაქტისა, რომ ჩვენი პროგრამა მოიაზრებს DevOps მეთოდოლოგიის და ხელსაწყოების შესწავლას საბაზისო დონიდან, სასურველია კანდიდატს ჰქონდეს საბაზისო გამოცდილება, IT Operations ან Development-ის მიმართულებით. თუმცა, როგორც უკვე აღვნიშნეთ, კურსში მოიაზრებს საბაზისო დონიდან, მიმდევრობითი სქემით, ყველა იმ საჭირო მიდგომის და ხელსაწყოს შესწავლას, რომელიც დღეს დღეობით მსოფლიო მასშტაბით გამოიყენება მოწინავე ტექნოლოგიურ კომპანიებში.

Question 3

კურსის შინაარსი

Accepted Answer

• Introduction to DevOps - მოდული მოიაზრებს DevOps მეთოდოლოგიის გაცნობას, მის გამოყენებას პრაქტიკაში და კომპანიის მასშტაბით DevOps მეთოდოლოგიის თანამშრომლებში გავრცელებას
 • Linux - ჩაპტერის მიზანია, სტუდენტებს შეასწავლოს Linux ოპერაციული სისტემა საბაზისო დონიდან, საშუალო ადმინისტრაციულ დონემდე
 • Version control with Git, GitLab & Azure DevOps - აღნიშნულ ჩაპტერში სტუდენტები შეისწავლიან Git-ის გამოყენებას, ხელსაწყოს გამოყენებით კოდის მანიპულირებას და მართვას GitLab-სა და Azure DevOps პლატფორმებთან მუშაობით
 • Containerization with Docker - ჩაპტერი მოიაზრებს Docker Engine და Docker Container-ებს, მათ შექმნას და მათი გამოყენებით დისტრიბუციული აპლიკაციების სტეკის შექმნას
 • Kubernetes (K8S) and Container Orchestration (Vanilla Kubernetes) - მიკროსერვისების დამოუკიდებლად მართვა, სკალირება, წარმადობის უზრუნველყოფა მომხმარებლის მოთხოვნაზე დაყრდნობით, ნებისმიერი მიკროსერვისის ვერსიის განახლება, ძველი და ახალი ვერსიის მიკროსერვისების  პარალელურად მუშაობა და სხვა. 
 • Continuous Integration & Continuous Deployment/Delivery (CI/CD) 
 • Cloud Technologies with AWS (Amazon Web Services) - ჩაპტერში ვისაუბრებთ AWS-ზე და შევისწავლით მის სერვისებს და გამოყენებას. ასევე მოვახდენთ ფიზიკური დატაცენტრის და Cloud Provider-ის სერვისების შედარებას,მათი მახასიათებლების და უპირატესობების გააზრებას. ჩაპტერის ჭრილში დავკონცენტრირდებით საწყის ეტაპზე AWS Cloud Practitioner სასერტიფიკატო კურსის  გამოცდილების შეძენაზე
 • Infrastructure As Code (IaC) with Terraform and Ansible for On-Premise Infrastructure - ჩაპტერში შევეხებით HashiCorp Terraform-ს და Ansible-ს. მათი მეშვეობით შევისწავლით თუ როგორ ვმართოთ ჩვენთვის საჭირო კომპონენტები უფრო სწრაფად და მარტივად წინასწარ დაწერილი დეკლარირებული კონფიგურაციების მეშვეობით
 • Monitoring, Logging, and Observability - აქცენტი გაკეთდება მონიტორინგის სისტემებზე Prometheus და Grafana, ხოლო ლოგირების ნაწილში შევისწავლით GrayLog-ს

Question 4

შერჩევის ეტაპები

Accepted Answer

I ეტაპი - რეგისტრირებულთა აპლიკაციების ტექნიკური გადარჩევა
II ეტაპი - უნარების ტესტი
III ეტაპი - ტექნიკური დავალება
IV ეტაპი - დარჩენილი მონაწილეებიდან 30-ის შერჩევა უნდა მოხდეს პირადი გასაუბრების საფუძველზე - მათ მიერ გამოვლენილი დამატებითი ცოდნის, მოტივაციისა და Soft skill-ების საფუძველზე

THE COMPLETE iOS DEVELOPER: SIMULATING THE PROFESSIONAL WORLD