Question 1

კურსის აღწერა

Accepted Answer

ციფრული ტრანსფორმაციების ეპოქაში, სადაც ინფორმაცია შეუფერხებლად მიედინება საზღვრებს მიღმა, ინფორმაციული უსაფრთხოების საჭიროება არასოდეს ყოფილა ასეთი აქტუალური. ყველა ინდუსტრია, დაწყებული ფინანსებიდან და ჯანდაცვიდან, ენერგეტიკისა და აზარტული თამაშებით დამთავრებული, დიდ წილად ეყრდნობა ტექნოლოგიასა და მონაცემებს. თუმცა, ამ სწრაფმა ციფრულმა ტრანსფორმაციამ ასევე გახსნა ახალი გზები კიბერკრიმინალებისთვის.

აღნიშნული კურსის მიზანია მსმენელს გააცნოს ინფორმაციული და კიბერ უსაფრთხოების ძირითადი პრინციპები, არსებული საფრთხეები, რისკები და გამოწვევები. კურსის განმავლობაში მსმენელები გაეცნობიან სხვადასხვა კონტროლის მექანიზმებს, მათ შორის უსაფრთხოების ტექნიკური ხელსაწყოების მუშაობის პრინციპებს, რომლებიც გამოიყენება ორგანიზაციების წინაშე არსებული კიბერ რისკების სამართავად.

კურსის დასრულების შემდგომ მსმენელს ექნება შესაძლებლობა:

• ჩამოაყალიბოს ინფორმაციული უსაფრთხოების მოთხოვნები ახალი და უკვე არსებული სისტემებისათვის
 • უზრუნველყოს ორგანიზაციაში უსაფრთხო წვდომების მართვის პროცესის დანერგვა
 • მოახდინოს ინფორმაციული უსაფრთხოების ინციდენტებზე რეაგირების გეგმების შემუშავება და დანერგვა
 • დაგეგმოს და განახორციელოს ინფორმაციული უსაფრთხოების ცნობიერების ასამაღლებელი პროგრამა ორგანიზაციის სხვადასხვა რგოლებისათვის
 • მოახდინოს ინფორმაციული უსაფრთხოების რისკების იდენტიფიცირება და შეფასება
 • მოახდინოს იდენტიფიცირებული რისკების შემცირების მიზნით კონტროლის მექანიზმების გამოვლენა და დანერგვა
 • უზრუნველყოს ბიზნეს უწყვეტობასთან დაკავშირებული აქტივობების დაგეგმვა და განხორცილება
 • უზრუნველყოს ბიზნესზე გავლენის ანალიზის ჩატარება
 • უზრუნველყოს ავარიული აღდგენის გეგმების მომზადება და ტესტირების დაგეგმვა
 • უზრუნველყოს შესაბამისი რეპორტების მომზადება სხვადასხვა რგოლის მენეჯერებისათვის

Question 2

ვისთვისაა კურსი?

Accepted Answer

• არატექნიკური პირები (ადამიანები, რომლებსაც არ აქვთ ფორმალური ტექნიკური განათლება, მაგრამ აქვთ დიდი სურვილი და მოტივაცია ისწავლონ ინფორმაციული უსაფრთხოების მართვა 
 • ინფორმაციული და კიბერ უსაფრთხოების სპეციალისტები, ვისაც უნდა ცოდნის გაღრმავება აღნიშნული მიმართულებით
 • საინფორმაციო ტექნოლოგიების სპეციალისტები, ვისაც სურთ ინფორმაციული და კიბერ უსაფრთხოების მიმართულებით განვითარება
 • სტუდენტები ვისაც სურთ კარიერის ინფორმაციული და კიბერ უსაფრთხოების მიმართულებით განვითარება და აქვთ საბაზისო ცოდნა ინფორმაციული ტექნოლოგიების, რისკების მართვის, კიბერ უსაფრთხოების სფეროში
 • საოპერაციო ან/და ინფორმაციული ტექნოლოგიების რისკების მართვის მენეჯერები და ანალიტიკოსები
 • შესაბამისობის და პერსონალური მონაცემების დაცვის ოფიცრები, ვისაც აღნიშნული მიმართულებით სურს განვითარება
 • ინფორმაციული ტექნოლოგიების აუდიტორები

კურსზე დასწრების წინაპირობა:

• ინფორმაციული ტექნოლოგიების საბაზისო დონეზე ცოდნა
 • ორგანიზაციული პროცესების და ოპერაციების საბაზისო დონეზე ცოდნა
 • სასურველია რისკების მართვის საბაზისო დონეზე ცოდნა
 • სასურველია კიბერ და ინფორმაციული უსაფრთხოების საბაზისო დონეზე ცოდნა
 • სასურველია ინფორმაციული ტექნოლოგიების ან/და ინფორმაციული უსაფრთხოების მიმართულებით სამუშაო გამოცდილება
 • მნიშვნელოვანია აღნიშნული მიმართულები განვითარების სურვილი

Question 3

კურსის შინაარსი

Accepted Answer

• შესავალი ინფორმაციულ და კიბერ უსაფრთხოებაში
 • საქართველოში მოქმედი კანონმდებლობა/ საერთაშორისო სტანდარტები
 • მავნე კოდი - სხვადასხვა ტიპის მავნე კოდის მოქმედების პრინციპები, ასევე მავნე კოდის მართვის საუკეთესო პრაქტიკები
 • ინფორმაციული აქტივების მართვა -  რა იგულისხმება ინფორმაციულ აქტივებში, როგორ ხდება მათი იდენტიფიცირება, შეფასება და მართვა
 • საფრთხეები, სისუსტეები და კონტროლის მექანიზმები - სისუსტეების მართვის სრული პროცესი, მათ შორის ის სისტემები, სადაც შეიძლება არსებობდეს სისუსტეები, სკანირების პრიორიტეტიზაცია, აღოჩენილი სისუსტეების მართვა და რეპორტინგი სხვადასხვა დონეზე
 • კრიპტოგრაფიის საფუძვლები - კრიპტოგრაფიის საწყისები, თუ რისთვის გამოიყენება კრიპტოგრაფია, რა ტიპის ალგორითმები არსებობს, რა დადებითი და უარყოფით მხარეების აქვს თითოეულ მათგანს. ლექცია ასევე მოიცავს სიმეტრიულ და ასიმეტრიულ ალგორითმებს, ლოგიკურ ოპერაციებს და ელექტრონულ ხელმოწერებს
 • ქსელის უსაფრთხოების საფუძვლები - ქსელის უსაფრთხოების საფუძვლები, მათ შორის სხვადასხვა პროტოკოლები და მათი დაცვის მექანიზმები, ქსელთან დაკავშირებული საფრთხეები და მათგან თავდაცვის მექანიზმები
 • ინციდენტების მართვა - ინციდენტების მართვის სრული პროცესი იდენტიფიცირებიდან გაუმჯობესებამდე. ინციდენტებზე რეაგირების ავტომატიზაცია და უსაფრთხოების საოპერაციო ცენტრის  (SOC) ფუნქციები
 • ფიზიკური უსაფრთხოება - ფიზიკური უსაფრთხოების მინიმალური მოთხოვნები, მათ შორის უსაფრთხო ზონების იდენტიფიცირება (სასერვეროები, ტექნიკის განთავსების ადგილები და ა.შ), შესაბამისი კონტროლის მექანიზმების იდენტიფიცირება, დაგეგმვა და დანერგვა
 • წვდომების მართვა - აღნიშნული ლექციის მიზანია მსმენელს გააცნოს წვდომების მართვასთან დაკავშირებული საკითხები, მათ შორი ავტორიზაციასა და ავთენტიფიკაციასთნ დაკავშირებული მოთხოვნები და წვდომის კონტროლები. ლექცია ასევე ფარავს წვდომებთან დაკავშირებულ შეტევებს და მათგან თავდაცვის საშუალებებს
 • პროგრამული უზრუნველყოფის უსაფრთხოება - უსაფრთხო დეველოპმენტის პროცესი, დეველოპმენტის სხვადასხვა  მოდელების მიმოხილვა, უსაფრთხოების მინიმალური მოთხოვნების ჩამოყალობება, გარე მხარეების შექმნილი პროგრამების უსაფრთხოების რისკების განხილვა, OWASP TOP 10 და Application  Security Verification Standard ASVS მიმოხილვა
 • Cloud საფუძვლები - Cloud მნიშვნელობის გააზრება, სხვადასხვა ტიპები, მათი დადებითი და უარყოფითი მხარეები, Cloud-ის პროვაიდერის და მომხმარებლის პასუხისმგებლობები. ასევე მოდულის ფარგლებში მოხდება Cloud-თან  დაკავშირებული რისკების და კონტროლების მიმოხილვა
 • ბიზნეს უწყვეტობის და ავარიული აღდგენის გეგმები (BCP/DRP) - ბიზნეს უწყვეტობის და ავარიული აღდგენის გეგმების მართვის პროცესი, ბიზნესზე გავლენის ანალიზი ( BIA – Business Impact Analysis) და ბიზნეს უწყვეტობის რისკების მართვა
 • საფრთხეების მოდელირება - კიბერ საფრთეების მოდელირების მეთოდოლოგიები, მათ შორის: STRIDE, PASTA, MITRE.  ISO 27005-ში მოცემული საფრთეების და სისუსტეების კატალოგი, კიბერ საფრთხეების წარმოშობის წყაროები და კიბერ დამნაშავეების მოტივაცია.
 • ინფორმაციული უსაფრთხოების რისკების მართვა - სრული პროცესი, რისკის იდენტიფიცირებიდან პროცესის გაუმჯობესებამდე. ლექციის ფარგლებში ცალკე იქნება გამოყოფილი რისკების რაოდენობრიცი შეფასების მეთოდოლოგია FAIR  (Factor Analysis of Information Risk)

Question 4

შერჩევის ეტაპები

Accepted Answer

I ეტაპი - რეგისტრირებულთა აპლიკაციების ტექნიკური გადარჩევა
II ეტაპი - უნარების ტესტი 
III ეტაპი - ტექნიკური დავალება
IV ეტაპი - დარჩენილი მონაწილეებიდან 40 მონაწილის შერჩევა უნდა მოხდეს პირადი გასაუბრების საფუძველზე.

Question 5

ვინ მასწავლის

Accepted Answer

https://static.wixstatic.com/media/93e8a3_4216acfb07d748759effd70f026b01f0~mv2.jpg
ირაკლი გაგოშიძე

ირაკლის აქვს ინფორმაციული უსაფრთხოების მართვის მრავალწლიანი გამოცდილება სხვადასხვა სექტორში, როგორც ქართულ ისე საერთაშორისო ორგანიზაციებში. მისი მოღვაწეობა ინფორმაციული უსაფრთხოების მიმართულებით დაიწყო 2011 წელს, როდესაც ჩააბარა ესტონეთში, ტალინის ტექნიკურ უნივერსიტეტში, კიბერ უსაფრთხოების სამაგისტრო პროგრამაზე.
ირაკლის უმუშავია როგორც კერძო, ისე სახელმწიფო სექტორში და დიდი წვლილი მიუძღვის ისეთი ორგანიზაციების ინფორმაციული უსაფრთხოების მიმართულების განვითარებაზე, როგორებიცაა: თიბისი ბანკი, EPAM, ჯეოსელი, ციფრული მმართველობის სააგენტო, სახელმწიფო სერვისების განვითარების სააგენტო, მიკროსაფინანსო ორგანიზაცია კრისტალი და სხვა. გარდა ამისა მას განხორციელებული აქვს UNDP და USAID-ის დაფინანსებული ინფორმაციული უსაფრთხოების მიმართულების პროექტები.
ირაკლი ფლობს ინფორმაციული უსაფრთხოების საერთაშორისო სერტიფიკატებს, როგორებიცაა: CISSP, CISM, CISA, CRISC, CDPSE, CGEIT, ISO 27001, ISO 9001, ISO 31000.

Intro to Python: Building a Strong Foundation